شركه رهف هوست www.rhfhost.com

[أبو حمد]

السلام عليكم

ايسعد الله اوقاتكم بكل خير

اخواني القائمين علي موقع نصب كوم
احب ان اطرح مشكلتي مع شركه رهف هوست وهي كالتالي

قبل ثلاث اشهر كنت اعاني من كثر الضغط علي موقعي لاكن صاحب الاستضافه القديم قالي حل انك لازم تنقل علي سيرفر او رسيلر وتريح راسك انا بحثت علي سيرفر لاكن لقيت سيرفر استأجرته لمده شهر وكانت مواصفاته جدا سيئه
بعد الشهر الاول جاني احد الاخوه ودلني علي رهف هوست قلت انا شكلها شركه قويه بحسن نيه وفرحت بكل التعامل والاخلاق الجميله وهذا الي خلاني اخذ من عنده سيرفر

طبعا بعد كلام جميل منه وخدمات رائعه
استأجرنا السيرفر المزعووم منه
لاكن والله ثم والله

ما تهنينا بالسيرفر الا ثلاث ايام بس ولا باقي الايام كلها تقطيع وتقفيل للموقع ما ندري وش السبب

كل ما اقوله ابو فيصل ترا الموقع مقفل يقولي صيانه ياعزيزي
كل يومين صيانه صيانه علي وشو مدري

اخر شي قالي
ان شركة سوفت لير انفجر عندهم الفيش <------<<مع ان الشركه معروفه ومرموقه

وكان اللوود يوصل فوق ال10 دائما ما عمري شفته اقل من 3

لاكن اخترق موقعي من قبل هكر وانا مثل اي مستخدم اخر الجا الى صاحب الشركه اقوله شوف اخترق

والله انه مرتين اخترق موقعي مع العلم موقعي خالي من الثغرات وانا متابع جميع الثغرات اول باول
يعني انا دعم فني متمكن جدا وفاهم بالشغلات

كم مره اكلمه اقوله السيرفر القديم الي انا كنت عليه ما قفل موقعي ولا يوم
انت مشاءا لله سيرفرك بمواصفات عاليه
طبعا طالبت منه هالمواصفات المزعومه

4 معالجات
8 رام
وباقي الخصائص مفتوح

ولاكن ما سلمني الروت بحجه انه انا ما العب بالاعدادات
وطول الشهرين اعاني من التقطع وكل ما اطلب الروت يصرفني

اخر شي من كثر الاختراقات الي تجيني وانا علي سيرفري ضافني الهكر
وقالي منو الي ضحك عليك وقالك انك علي سيرفر لحالك

فعلا انا ما صدقت
لاكن الهكر اثبتلي كلامه
وجاب لي كل اليوزرات
وقالي سلمك الله جرب يوزر يوزر علي هذا الipحق السيرفر
فعلا جربتها كلها شغاله

عشان كذا الضغط انا عندي دائما مرتفع ودائم كثير التقطيع

ولمن اقول لصاحب السيرفر ابو فيصل ليه كذا يقولي صيانه ولا اصلاح ولا ترقيه

ياناس انا اعرف بالثلاث شهور تعديل واحد مو كل يوم تعديل سيرفر ما صارت والله


ولمن نقلنا من عنده وبالقوه وحبة الراس بعد واالله قعدنا يوم كامل نترجاه اننا ننقل

طبعا انا دفعت له اجار السيرفر كامل
هوا اعطاني خمس شهور + شهر مجاني عشان سوا لنا تخفيض
2800 ريال
طبعا اخذنا شهرين ولازم يرجع لي الباقي مبلغ 1800 ريال

لمن جيت اطالب باسترجاع المبلغ بدا يماطل

وانا طبعا كاي واحد يبي حقه حطيت بنك ماسنجري عدم التعامل مع رهف هوست

وبدا يهددني بنشر قاعده البيانات

وانا كل الي ابيه فلوسي لا اكثر ولا اقل
طبعا حاول فيني حاول فيني بس هو فشل

وطبعا كلمني انا وكلم صاحب الموقع

هذا الملفين حق المحادثه كلمني انا info@alsaifonline.com
وكلم صاحب الموقع الي هو اخوي mhs@alsaifonline.com

والله ثم والله ثم والله انه ما عدلت لا علي الملف ولا علي اي شي
حملوه من الرابط التالي
http://www.alsaifonline.com/up/downl...97f3ede087.zip

الان كل الي ابيه فلوسي 1800 ريال ما ابي منه ولا شي

يقولي انه بيصمم ستايل
انا مابي منه شي
اكيد بيصمم ستايل ملغم عشان يحوسني
ابي فلوسي وبس

ياليت تشوفون حل

واي استفسار انا حاضر

ملاحظه : انا دفعت له بالحقيقه 3000 ريال والسبب انه سويت تهيئه لقاعده البيانات عنده يعني زودو علي الفلوس الي فوق بالموضوع 200 ريال حق التهئيه بس

[أبو حمد]

طبعا حملت المحادثات بالمرفقات في حاله تعطل الرابط السابق

[الظل]

حياك الله اخوي واعانك عليهم

قبل ان نتطرق للقضيه ونبدا في مسادعتكم وضعنا قوانين قبل ان تكتب هذا الموضوع كنا نتمني ان يقرأها اي عضو لديه شكوي
وللاسف يتضح اخي الكريم انك لم تقراءها

نرجوا اعاده قراءه القوانين بتمعن حتى تكون على بينه عن مسار القضيه

والان نرجوا ارفاق ايميلات الموقع المُدعي عليه ورابط موقعه

[أبو حمد]

أسف اخي الكريم
لذا انا قرات القوانين لاكن من عجلتي وقهري الله يعين بس

تفضل هذا ايميل الاداره ابو دقه
en-serv@rhfhost.com
وهذا موقعهم الشخصي
www.rhfhost.com

وانا من بعد هذا الرد سأذهب لارى القوانين شكرا لك اخي الضل

[الظل]

تحيه لك اخي الكريم واعذرنا ولكن لمصلحتكم نفعل هذا ونريد ان تعلموا ما لكم وما عليكم ولا ندخل في دوامه نحن بغني عنها

تمت مراسلتهم على الايميل المرفق علماً ان موقعهم لا يعمل للاسف


تحياتي

[أبو حمد]

حاليا موقعهم شغال معاي ما ادري وش السبب الله يعين بس

واشكرك يالغلا وننتضر ردك لنا

[الظل]

تفضل تعقيب من الشركه

اتهام سافل وغير صحيح

ولا يوجد لنا في قوانين الشركة حوارات مع هكذا بشرية
كان مستضاف لدينا , وسحب استضافته بأرادته
وامكانية ارجاع المبلغ كما هو في قوانين الموقع في فترة اقصاها 30 يوم
www.rhfhost.com/hosting.php

يبي استضافته موجودة وليس سيرفر
بل استضافة خاصة
واسلوب التزوير في المحادثات امر غير وارد لدينا
وهذه طريقة اطفال لا نقبل في فتح اي حوار معهم

شكراً لمتابعتكم
نأسف فيما بعد لن نتابع هذه القضية , والجميع يعلم من هو صاحب السيف اون لاين
شكرا لكم

[أبو حمد]

يالغلا مدري وش اقولك هو لسانه عسل

وانا مستعد احلفلك علي المصحف قدامك ان هالمحادثات اصليه ماخذها من ماسنجر بلس


اذا علي كلامه لنا استضافه خاصه فهوا كذاب كذاب كذاب وخسئ

انا جاي له وطالب منه سيرفر

وهو قالي طيب وجاب لي عروض

لاكن بعد ما نقلنا واطلب منه الرووت للاسف مو راضي يعطيني الروت

لاكن انا بحكمك برضى

والله ما يضيع حق

وانا كل الي ابي فلوسي

وما همي هذا لان الله بيفضحه ان شاء الله

واعتقد ان له هكر مترصد له دائما يخترق كل سيرفراته بسبب نصبه

علي العموم وش حكمك اخي انا راضي

لان ما ارضة يكون كلامه كذا

,,,,
ما نقول الا لاحول ولا قوة الا بالله

[أبو حمد]

يالغلا ابيك تقوله شي واحد بس


ابيه يقول هذا النص التالي :

(( والله العظيم ان شبكة السيف اون لاين لمن جو عندي ما اخذو سيرفر اخذو مساحه خاصه )

اذا قالها وحلف فيها

صدقني انا راضي

لان حلفه ذا ان شاء الله بلقاه يوم القيامه والله ما يضيع حق احد

لاكن انتضروني ان شاء الله اني اجيب المبلغ بحول الله من البنك ورقه بالوصل ان شاء الله

[أبو حمد]

يالغلا الحمد لله بعد ما دورت بالجهاز لقيت المحادثات القديمه

شوفها بالمرفقات

والله الذي لا اله الا هوا اصليه وبالشهر بعد وبالتاريخ

وكل الاثباتات الي تثبت اني اخذت منه سيرفر وكل المشاكل الي واجهتني كنت اكلمه فيها

ياليت تتطلعون فيها وتعرفوون علي حقيقته

وياليت تبلغوني وش صار بموضوعنا هذا وش صار لحد الان

حملو المحادثات من المرفقات

[أبو حمد]

ياخوان الرد السابق ناقه المحادثات فيه

الان جبت جميع المحادثات الي بيني وبينه من 4 شهور من قبل ما استأجر السيرفر مع المشاكل الي تواجهني يوميا

الرد السابق ناقص

ارجو تحميل هذا والنضر بالمحادثات وهذا الي اثبت عليه الان غير المبلغ الي دفعته وراح اجيب ورقه من البنك ان شاء الله

[أبو حمد]

الرد السابق ناقصه المحادثات فيها

ارجو تحميل المرفق التالي

لانه موجود من اول يوم كلمته فيه الى اخر يوم

واتمنى قرائه الملف من شهر رمضان يوم اعطاني العروض

عشان تعرف انه كذاب

يقول انا استاجرت مساحه خاصه

وربي ماخذ سيرفر منه ذا

الله لا يبارك فيه ولا في طريقه تجارته الملتويه

حملو المحادثات من المرفقات

[الظل]

تم التعقيب منا اليهم وارفاق المحادثات كامله لهم

نرجوا سرعه احضار صوره من التحويل

[أبو حمد]

ابشر بعزك

اليله هي عندك بحول الله

[أبو حمد]

تفضل يالغلا

حمل كشف الحساب من المرفقات

طبعا موضح فيه انه 3000 ريال
طبعا
2800 حق السيرفر المزعوم

و 200 ريال حق تهيئه قواعد البيانات

يعني المجموع 3000 ريال