شركة الافق الله يجزاهم بالخير .. انخدعت فيهم

[غريب المشاعر]

بسم الله الرحمن الرحيم

.. السلآمـ عليكمـ ورحمة الله وبركآتهـ ..

آخوآني آدآرة نصب كوم ..

آول شي جزاكم الله خير وشآكرين لكم هذهـ البادرة الطيبه ووفقكم الله ..

وندخل بالموضوع ..

شركة الآفق امتنع عن استرجاع المبلغ ..

يااخوان انا اتفقت مع الاخ / وليد محمد كردي صآحب شركة الافق للاستضافه والتصميم على نقل موقعي

الى استضافته وتم الاتفاق على 500 ميقا .. بملبغ 250 ريال + ترقيهـ بـ 100 ريال ..

تمت الترقيه ولله الحمد ولكن الاستضافه وماادراك مالاستضافه

وقسم بالله العظيم مافيه يوم ماوقف فيه موقعي من نقلت موقعي على سيرفرهـ

واتصل عليه جوال يقول من اتصالك ومعي اشخاص بالمآسنجر مايفتح معهم ..

قلت نمشيها لها ونقول من اتصالي وطلعت لاقرب مقهى لكن للآسف مايفتح

وخصوصاً من الساعه 2 الظهر الى 4 العصر

المهم ماكملت اسبوع على استضافته ونقلت موقعي على سيرفر آخر وشفت الفرق بين الاثنين .. ولله الحمد

لكن وليد رآفض يسترجع لي المبلغ اتصل عليه لايرد والمآسنجر بالخآرج ..

وتركته اسبوعين مااكلمه وبعد اسبوعين دقيت عليه رد ولا عرفني وقلت له انا يوسف الشمري صآحب موقع السوسن لآحظت تغير بصوته لكن قلت يمكن الرجال مرضان ..

وقلت له ياوليد ابي فلوسي صآر لي فترهـ وانا اطالبك قال يايوسف مقدر اعطيك المبلغ كامل لآزم آخذ نصف المبلغ على المدهـ الي قضيتها [ تخيلو نصف المبلغ على اسبوع فقط ]

واحاول فيه قال مافيه الا نصف المبلغ .. وقلت دام السالفه مافيها الا نصف المبلغ قلت ابي احجز منك دومين ومسآحه < والله ماني بحاجتها بس الي قهرني يبي نصف المبلغ ..

وهذآ درس لي .. لكن الي ابيه فزعتكم يالغآلين فلوسي صآر لها آكثر من شهر وقسم بالله اني متردد يوم آكتب الموضوع

ماتوقعت بيوم من الايام اكتب موضوع مثل كذا بس وليد حدني ..

الافق للاستضافه : http://www.alafq.com
الاسم : وليد محمد كردي ..
رقم الجوال : 0555580511
المآسنجر : sup1@alafq.com



اخوكم صآحب القضيه
يوسف الشمري [ غريب المشآعر ]
sa@sosn.net
0557347277

[الظل]

تمت مراسلتهم على الايميل الذي وضعته هنا

[غريب المشاعر]

بآنتظآركم والله يكتب الي فيه الخير يآرب

[الظل]

هذا رد الاخوان

المشاركة الأصلية كتبت بواسطة الافق

فليكن كالاتي القانون اولا لايتحمل المغفلين ولانحتمل مسؤوليه العميل ان لم يكن يقرا قوانين شروط الخدمه الخاصه بالشركه
اولا موقعه كان قيد العمل دون مشاكل ثانيا لايحق له نقل موقعه دون اعلامنا فلسنا نعمل على مزاجه وهذا هو بند المؤسسه جدا صريح وواضح

البند رقم 6 من شروط الاستضافه

6 - نظام ضمان استعادة المبالغ : يحق للعميل طلب استعادة المبلغ المدفوع خلال 15 يوما من بدء استضافته لدينا في حالة وجود سبب مقنع لادارة مؤسسة الافق ، والاسباب على سبيل المثال لا الحصر :. اخلال موظفي الدعم بتقديم الخدمة المطلوبة.. توقف الموقع لاكثر من 24 ساعة .. ابلاغنا بعدم الرضا والتاكد من عدم جوده الخدمه عدم نقل الموقع قبل ابلاغنا حتى يتم حفظ حقوقه وارجاع المبلغ ولانتحمل مسؤوليه ارجاع اي مبلغ ان قام بنقله دون علمنا
رابط الاتفاقيه:
http://www.alafq.com/index.php?action=agreement

وفوق كذا تعاونت معه وقلتله راح ارجعلك نصف قيمه الاستضافه كتعاون اخوي من المؤسسة وجلس يتحاججنا وقالي احجزلي دومين (مجاني)وقلتله خير ان شالله رغم اننا مؤوسسه تجاريه وليس خيريه
ولكن اختصار للموضوع ولله الحمد عندنا فوق 200 عميل ولنا سمعتنا مو ضارني شخص واحد مثله عشان يسوي تشهير بالمؤوسسه

اخر النقاش والكلام اعتذر حتى عرض نصف المبلغ تم الغائه بناء على التشهير ونظام شروط المؤوسسه كما هو وارد

10 - شروط عامة : سيتم اشعار العميل بانتهاء مساحته التخزينيه او تجاوز كمية نقل البيانات ( الباندويث ) وله الحرية في ترقية الخطه او طلب زيادة الخدمة مع العلم بان مؤسسة الأفق ستقوم بزيادة كمية تناقل البيانات مع المساحة تلقائيا واخبار العميل للمحافظة على موقعه من التوقف. لايحق للعميل التشهير باالافق او التجريح في موظفيها او اداريها ، وبدلا عن ذلك يحق للعميل التوجة للجهات المختصه في المملكة العربية السعودية لتقديم شكواه ، علما بان محاولة التشهير او التجريح باي شكل كان ، تعطي مؤسسة الافق الحق الكامل في الغاء العقد ورفض تقديم أي خدمة ايا كانت للعميل . يمنع منعا باتا اعادة بيع خدمات مؤسسة الافق المعلومات بدون تصريح كتابي من ادارة مؤسسة الافق. العميل مسؤول مسؤولية كاملة عن موقعه وعن محتويات موقعه والنشاطات التي تنتج من داخل الموقع . يحق لمؤسسة ابعاد المعلومات الغاء اشتراك أي عميل في أي وقت بدون ايضاح الاسباب وبشرط اعادة المبلغ المتبقي للعميل .

البندر رقم عشره بنفس صفحه الاتفاقيه

سلام عليكم

[غريب المشاعر]

موقعي ماكمل اسبوع معهم ..

وهم يقولون 15 يوم التجربه ..

الحين وش الحل فلوسي بترجع ولا لا ..؟

طالبك فزعتكم ..

[غريب المشاعر]

بآنتظآر ردكم ..

[غريب المشاعر]

لآ زلت آنتظر

[الظل]

هذا ردهم اخي الكريم

البند رقم 6+10 واضح جدا

[غريب المشاعر]

طيب الحين يالغالين .. هو بيرجع لـي فلوسي كآمله آو نصف المبلغ ..

[الظل]

رد الاخوان الاخير

المشاركة الأصلية كتبت بواسطة الافق

كان ودنا نفزع معه بس بما انه تجراء على اسم الافق اعتذر منكم ومنه الاتفاقيه واضحه جدا وصريحه تحمي حقوق الطرفين سواء لنا او لهم ولو له شي عندي كان يبشر بالخير

سلام عليكم

[غريب المشاعر]

يـعني مو مرجع لي فلوسي ..

[الظل]

من حقك رفع الموضوع الى القسم العام

[غريب المشاعر]

قبل مانرفعه للعام ..

يمكن تنحل المشاكل قبل نروح للعام

يبي يرجع لي فلوسي ولآ لآ .؟

[الحجاج]

هذا اخر رد بعد عدة محاولات من طرفنا

المشاركة الأصلية كتبت بواسطة الافق

موفقين حبايبي دنيا واخره بالنسبه لموقف المؤوسسه واضحه لو التزم بالشرط ياخذ حقه فوق غصب عن الكل ولكن بما انه خالف شروط الاتفاقيه اقدم اعتذاري له وعسى الله يوفقه بموقعه واذا اهو يقول نقلنا اقل من اسبوع انا مصدقه وليس هذي نقطه الخلاف ولكن ليش ينقل دون علمنا وابلاغنا واعتراضه على الاستضافه

سلام عليكم

[غريب المشاعر]

والله انسان غريب ..

اتصل عليه جوال مايرد ..
مآسنجر بالخارج ومستحيل يرد ..
ووقتها التذاكر ماتفتح ووليد يذكر انه كان فيه مشكله ..

لكن مااقول الا حسبي الله ونعم الوكيل .. والفلوس وصخ دنيا .. لكن ابلقاهـ يوم ماينفع فيه لا فلوس ولا شركات ولا ابوك وامك ..
وياليت ترسلون له ردي هذا ..

والله فوق كل شي

والله يجزاك خير ..